7月28日恒生指數過分拋離250天移動平均線，引發7月28日至8月17日調整後反彈，後市可能在19300至23700點之間上落，去糾正過去過分自信及過度槓桿?問題。

V形反彈形成因素係7月26日恒指由23557點回落到8月17日19386點，跌速太急，其後反彈至今天23750點【圖】，升速亦太急。後市進入冷靜期，通常需要下試低點，相信8月17日係呢次跌市最低點，至於次低點邊？市場找尋中。找尋過程中，亦係Bargain Hunters最活躍期，亦即個別發展期。

後市展望，到底係雙頂回落抑或繼續一浪高於一浪？便睇9月份所出數據。8月28日恒指見23750點時，創新高股份反而唔及7月26日23557 點時多，如剔除幾隻創新高國企、紅籌股，今天股價能夠高過7月26日高點股份唔多。上述形勢令人對後市有D擔心，當指數表現較整個大市強，乃後市轉淡先兆。話到尾，2003年4月至今牛市已維持4年多，呢隻牛已有D「老」。

因此，一般投資者不宜過分注重timing，而應將注意力放stock picking 上。其次係利用「水車投資法」，即O8至12倍之時全部資金入市；O12倍到16倍時70％資金入市；O16倍到20倍時50％資金入市；一旦O高出20 倍，只留30％市場。

過去35年我老曹研究移動平均線經驗係：A、牛市一期恒生指數唔會跌穿250天線。B、牛市二期恒生指數經常跌穿250天線，每次跌穿250天移動平均線不但唔係出貨訊號，反而係入貨訊號。C、只有牛市三期恒生指數跌穿250天線，才係牛市死亡訊號。結合道氏理論如下：A、牛市一期O8至12倍時，恒指應唔會跌穿 250天線。B、牛市二期O12到16倍，恒指跌穿250天線係入貨訊號。C、牛市三期O18到22倍，跌穿250天線才應小心。1997年8月同 2000年3月恒指O都22倍以上，牛市三期十分明顯。2003年4月恒指回升至今，未見O22倍以上（反之，國企指數已在22倍之上，國企股已進入牛市三期，即瘋狂上升期，開始唱《夕陽之歌》）。後市展望，股市繼續swings，投資策略係：你驚我唔驚，你唔驚我驚。

牛可以賺錢，熊可以賺錢，跑跑去豬被人屠宰

畢非德投資策略：一、買D有競爭優勢公司，例如擁有一個品牌、一組良好管理人才，或別人不易取而代之地位。二、買入D市價仍未顯示內在價值公司（森池兄最叻搵呢類公司）。三、買入後股價如上升20％，便應長期持有。

2003年4月至今過去唔少例子係恒指接近250天線或略穿250天線便跌完，250天線附近入市係毋須用止蝕盤保護（除非50天線跌穿250天線）。

雖然港股直通車仍未開出，股市已再次面對流動性資金過剩，出現雞犬皆升局面。雖然恒生指數已完成V形反彈，但細價股指數仍未完成V形反彈，只係炒落後心態，二線股短期上升空間應該唔細。存心不良玩鬥傻。

我老曹唔認同內地人會沽A股而買H股，因為A股就係A股，H股就係H股，兩者不能互通。情況有如新鮮豬肉同雪藏豬肉，又或日本黃豆期貨同美國黃豆期貨關係一樣。1971年我老曹曾跟一個日本人學陰陽燭走勢兼學炒日本期貨，發現美國期豆較日本期豆便宜好多，便自作聰明美國買入期豆、日本拋空期豆，以為可以賺差價。事後結果係美國期豆進一步下跌，日本期豆漲停板，我老曹5萬港元孖展一個月內輸突！雖然日本係從美國進口大豆，但芝加哥期豆不能用作東京期豆交收，兩者短期差價可以好大。因日本人喜歡夏季吃豆腐，形成日本大豆夏季供應出現短缺；美國卻進入豐收期，形成夏天美國大豆跌價。上述係我老曹5萬元買番教訓─—全世界唔係只有你先知道日本期豆有溢價。A、H股差價長期存在，理由係H股投資者來自全世界，可供佢地選擇投資項目十分多（唔買H股可以買全球其他投資項目）；A股出現溢價理由係內地人只可投資A股，冇得揀，開放A股市場長遠而言應係A股回落，唔係 H股上升。